radionica


30let

Davnega 85-ega leta
Korzon ih je malo više od 10 pasalo
A videjte sada 120 ih je nastalo.
Od Antonji na daje
Vreme nan je najslaje,
Preko labudi, štajera i meksikanci
Do košarkaši, plesači i indijanci
Na sakoj parade skakali i kantali
A na nekeh i pedalali
Čuda judi morda neće razumet
Ča nas na kupe drži već 30 let
Kunpanija,voja saki od nas će van reć
I ča si još pul ovakoveh judi za rojendan poželet
Veseli, lepi ki put i ćapani


SRETAN ROJENDAN VAVEK PARIĆANI !!!

 


od 1985. leta
___________________

Od Antonji vreme j' naše
aš se živo ponemeje
doba najlepše prihaja
se je ludo, veseleje

Nan je tako sako leto
srca za tu jubav mare
uživamo kot i drugi
držimo užance stare

Mi smo Vavek Parićani
za si tanci naješkani
stareji i mularija
Matujska smo kumpanija

Mi smo Vavek Parićani
lepi, šesni i štimani
ma so ludo pusno vreme
kampanamo maškarani

Od Antonji vreme j' naše
aš se živo ponemeje
doba najlepše prihaja
se je ludo, veseleje

Kanat, tanac i veselje
ma ča more bit još slaje
zato moramo si skupa
posadit jubav va mlaje

Karnevalska Udruga Vavek Parićani 1985-2015 ©